Бројот на жртви во силниот земјотрес што денеска ја погоди западна Колумбија продолжува да расте. Според најновите информации на светските агенции, најмалку 77 лица загинаа, а спасувачките екипи продолжуваат со пребарување на урнатините во најпогодените области.
Најтешка е состојбата во областа Рисаралда, каде се потврдени 42 жртви. Значителни оштетувања се регистрирани во Переира, Кали, Манисалес и Буенавентура, каде има урнати објекти и лица затрупани под урнатините.
OMG, this is terrifying. Footage showing the shaking from the M7.2 earthquake that hit Colombia earlier.
👀 Watch until the end.
📍 Pereirapic.twitter.com/vS2slBg53X
— Volcaholic 🌋 (@volcaholic1) August 10, 2026
Во спасувачките операции се вклучуваат дополнителни екипи од Богота и Меделин, додека колумбиските воздухопловни власти привремено го прекинаа сообраќајот на неколку регионални аеродроми поради проверки на можни оштетувања на инфраструктурата.
Земјотресот беше со магнитуда од 7,4 степени, а според Американскиот геолошки институт – USGS, епицентарот бил на околу пет километри источно од Сан Хосе дел Палмар, на длабочина од 107 километри.
Силниот потрес бил почувствуван во голем дел од Колумбија, а по главниот удар биле регистрирани и последователни потреси.
Спасувачките операции и проценката на штетите продолжуваат, поради што билансот на жртвите сè уште не е конечен.
OhridNews
